التخطي إلى المحتوى

علق الإعلامي عمرو أديب، علي فوز النادي الأهلي ببطولة السوبر المحلي على حساب الزمالك بنتيجة 2/ 0، قائلًا: “النهاردة الزمالك كان بيلعب بـ 8 أنفار في الدفاع  والأهلي النهاردة كان انتحاري وبيخش على كل كورة وبيلعب على الزمالك في كل مكان وبيشترك في كل كورة”.

 

مشكلة الزمالك أمام الأهلي

وتابع خلال برنامج “الحكاية” المذاع على قناة “إم بي سي مصر”: “الزمالك كان بيلعب بالشوكة والسكينة ومفيش الالتحام القوي والروح العالية، ويقولك أنا الزمالك كسبان بطولتين دوري وكاس مفيش كدة”.

 

سر فوز الأهلي على الزمالك

وأضاف: “اللي تعب النهاردة هو الأهلي ولحد آخر لحظة اللاعيبة كلها صح وبتلعب في مراكزها صح ونص الزمالك بيلعبوا في مراكز غلط ومن امتى زيزو بيلعب رأس حربة وشيكابالا بيلعب في الشمال، كله في الزمالك كان شمال ومش قادر”.

وأكمل: “النهاردة الزمالك خسر بجد، وعادة بقول حظ الأهلي نار إنما الأهلي النهاردة كان نار مش حظه اللي نار وكان بيكافح لحد اَخر لحظة من أجل الفوز”.

 

واستطرد:”لا حكم ولا جمهور ولا أرض ولا أي حاجة انما الأهلي اللى كان أحسن، ولو الزمالك هيفضل مكمل كده واصل الظروف والحكم قول علي الزمالك يا رحمن يا رحيم وانسوا الدوري والكأس تاني، الأهلي لما بيتفتح معاه الحظ قول يا رحمن يا رحيم، الزمالك لو عايز يكسب لازم يعيد النظر في اللاعيبة الجديدة اللى جت وسلوكيات اللعيبة وحالة التراخي اللي كانت عند اللاعيبة النهاردة، الزمالك لو هيكمل بالشكل ده انسوا الدوري والكاس”.

وتابع: “أنا بعشق الإمارات بلد جدعة ومنظمة وعملوا لنا احتفال من ألف ليلة وليلة، وإستاد هزاع بن زايد حاجة في قمة الجمال، وشوفنا قمة اللطافة والجمال من الإخوة الإماراتيين، وأبارك للنادي الأهلي وجماهيره من نغاشيش قلبي”.

 

وانتهى لقاء الأهلي والزمالك بفوز الأحمر بهدفين دون رد في المباراة التي تقام مساء اليوم الجمعة باستاد هزاع بن زايد في كأس السوبر المحلي.

 

تتويج الفريق الأحمر بالسوبر المصري 

أحرز هدفي الأهلي  برونو سافيو  في مرمي الزمالك  في الدقيقة 38  من اللقاء وأحرز كريم فؤاد الهدف الثاني بالدقيقة 92.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *